Gold Rate Today : सोन्याच्या दरात 300 रुपयांची तेजी, 10 ग्रॅम सोनं 'इतक्या' रुपयांना मिळणार, चांदी 98000 रुपयांवर

सोने आणि चांदीच्या दरात आज मल्टी कमोडिटी एक्सचेंजवर बाजार सुरु झाला तेव्हापासून तेजी सुरु आहे. सकाळी बाजार सुरु झाला तेव्हा सोन्याचे वायद्याचे र 86000 रुपयांपर्यंत पोहोचल्याचं दिसून आलं.

सोन्याच्या वायद्यांची सुरुवात तेजीनं झाली. मल्टी कमोडिटी एक्सचेंजवर सोन्याच्या बेंचमार्कच्या एप्रिलच्या वायद्याचे दर 244 रुपयांच्या तेजीसह 86077 रुपयांवर पोहोचले होते. नंतर त्यामध्ये थोडीफार घसरण दिसून आली. सोन्याचे वायद्याचे सर्वाधिक दर 86592 इतके होते.

चांदीच्या मार्चच्या वायद्याच्या दरात देखी मल्टी कमोडिटी एक्सचेंजवर 419 रुपयांची तेजी दिसून आली. चांदीच्या वायद्याचे एक किलोचे दर 97961 रुपयांवर पोहोचले होते. गेल्या वर्षी चांदी 100081 रुपयांपर्यंत गेले होते.

आंतरराष्ट्रीय बाजारात देखील सोने आणि चांदीच्या दरात तेजी पाहायला मिळाली.कॉमेक्सवर सोन्याचे दर 2931.50 प्रति डॉलर पर्यंत पोहोले होते. कॉमेक्सवर चांदीच्या दरात देखील वाढ झाली. चांदीचे प्रति औन्सचे दर 33.19 पर्यंत पोहोचले होते.

चांदीच्या दरात चार दिवसांमध्ये 3418 रुपयांची वाढ झाली आहे. गेल्या चार दिवसात सोनं 1290 रुपयांनी तर चांदी 3418 रुपयांनी महागली आहे. चांदीचा जीएसटीशिवायचा दर 96898 इतका आहे. जीएसटी पकडल्यास हे दर आणखी वाढू शकतात.