Rahul Gandhi Shiv Jayanti Tweet :राहुल गांधींची शिवरायांना श्रद्धांजली;भाजपचा संताप,काँग्रेसचं उत्तर

छत्रपती शिवरायांची जयंती देशभरात उत्साहात साजरी होत असताना एका घटनेमुळे त्याला गालबोट लागलंय...लोकसभेतले विरोधी पक्षनेते राहुल गांधींनी जयंतीदिवशी शिवरायांना सोशल मीडियावरून श्रद्धांजली वाहिली. त्यामुळे भाजप आणि शिंदेंच्या शिवसेनेनं राहुल गांधींवर संताप व्यक्त केलाय. राहुल गांधींकडून सतत महापुरुषांचा अपमान होत असल्याचा आरोप करत भाजपनं माफीची मागणी केलीय. राहुल गांधींनी ट्विट मागे घ्यावं, नाहीतर कायदेशीर कारवाई करू, असा इशारा भाजपनं दिलाय. त्यावर काँग्रेसनंही पलटवार केलाय. पंतप्रधान नरेंद्र मोदींनीही जयंतीच्या दिवशी श्रद्धांजली वाहिली होती, असा हल्लाबोल विजय वडेट्टीवार यांनी केलाय. 

महाराष्ट्राचं दैवत असलेल्या छत्रपती शिवाजी महाराजांची आज ३९५ वी जयंती मोठ्या उत्साहात पार पडली.. पण शिवरायांच्या या जयंतीदिनाला लोकसभेतील विरोधपक्ष नेते राहुल गांधींच्या एका पोस्टमुळे गालबोट लागलंय.. जयंतीदिवशी शिवरायांना श्रद्धांजली वाहिल्यामुळे नव्या वादाला तोंड फुटलंय... राहुल गांधींकडून महापुरुषांचा सतत अपमान सुरू असल्याचा आरोप करत भाजप आणि शिवसेनेने माफीची मागणी केलीय...