RBI : स्टेट बँकेला रिझर्व्ह बँकेचा दणका, पावणे दोन कोटींचा दंड, मोठं कारण समोर

रिझर्व्ह बँक ऑफ इंडियानं बँकिंग नियमांचं पालन न करणाऱ्या बँका आणि वित्तीय संस्थांवर कारवाईचा धडाका लावला आहे. एखाद्या बँकेकडून नियमाचं उल्लंघन झाल्यास आरबीआयकडून कारवाई केली जाते.

रिझर्व्ह बँक ऑफ इंडियानं देशातील सर्वात मोठी बँक स्टेट बँक ऑफ इंडिया आणि जन स्मॉल फायनान्स बँक या दोन्ही संस्थांवर कारवाई केली आहे.

आरबीआयनं त्यांच्या नियमांचं पालन करण्यामध्ये किंवा त्याच्या अंमलबजावणीत काही त्रुटी ठेवल्यानं ही कारवाई केली आहे.

भारतीय रिझर्व्ह बँकेच्या नुसार कर्ज, अग्रीम, वैधानिक आणि इतर प्रतिबंधक, ग्राहक संरक्षण- अनधिकृत इलेक्ट्रॉनिक बँकिंग व्यवहारामध्ये ग्राहक संरक्षण मर्यादित आणि चालू खाती उघडण्यासंदर्भातील निर्देशांचं पालन न केल्या प्रकरणी स्टेट बँक ऑफ इंडियावर 1 कोटी 72 लाख 80 हजार रुपयांच दंड ठोठावला आहे.

आरबीआयनं बँकिंग नियमन अधिनियम,1949 च्या काही तरतुदींचं उल्लंघन केल्या प्रकरणी जन समॉल फायनान्स बँक लिमिटेडवर 1 कोटी रुपयांचा दंड ठोठावण्यात आला आहे.