Multibagger Stock : 5 वर्षात स्टॉकमध्ये 15600 टक्क्यांची तेजी, शेअर बनला रॉकेट, सध्या स्टॉक किती रुपयांवर?

शुक्रवारी सेन्सेक्समध्ये 746 अंकांची तेजी पाहायला मिळाली. सेन्सेक्स 82188.99 अकांवर बंद झाला. तर निफ्टी 50 निर्देशांकात 252.15 अंकांनी वाढून 25003.05 अकांवर बंद झाला. या दरम्यानं एका ईव्ही कंपनीच्या स्टॉकमध्ये 1.5 टक्क्यांची तेजी पाहायला मिळालं.

Mercury Ev- Tech Ltd या कंपनीनं शुक्रवारी बीएसईला दिलेल्या माहितीनुसार गुजरातच्या भावनगरमध्ये त्यांनी एक शोरुम उघडलं आहे. नवं शोरुम उघडलं गेल्यानं कंपनीची बाजारातील पोहोच आणि ग्राहकांना उत्पादनं सहज उपलब्ध होतील. हे पाऊल मर्करी ईव्ही टेक या विस्तारित रणनीतीचा भाग आहेत. कंपनी त्यांचे इलेक्ट्रॉनिक व्हेईकल्स अधिक ग्राहकांपर्यंत पोहोचवण्याचा प्रयत्न करेल.

मर्करी ईव्ही टेक लिमिटेड कंपनीनं काही दिवसांपूर्वी पॉवरमेट्ज एनर्जीच्या माध्यमातून 3.2 गीगावॅट लिथियम आयन बॅटरी मॅन्यूफॅक्चरिंग यूनिट सुरु करण्याची घोषणा केली होती. या कंपनीनं मे मध्ये पायलट प्रोजेक्टला सुरुवात केली.

मर्करी ईव्ही टेक लिमिटेडच्या शेअरमध्ये सातत्यानं तेजी पाहायला मिळत आहे. मात्र, गुंतवणूकदारांनी एखाद्या शेअरमध्ये गुंतवणूक करण्यापूर्वी शेअरसंदर्भात रिसर्च केला पाहिजे. या पेनी स्टॉकमध्ये पाच वर्षात 15600 टक्के रिटर्न गुंतवणूकदारांना दिले आहेत. गेल्या एका वर्षात 10 टक्के घसरण पाहायला मिळाली आहे.

या स्टॉकमध्ये गेल्या 6 महिन्यात 38 टक्के घसरण पाहायला मिळाली आहे. एका महिन्यात 3 टक्के घसरण पाहायला मिळाली. सध्या हा स्टॉक 59.65 रुपयांवर आहे. याचा 52 आठवड्यांचा उच्चांक 139.20 रुपये तर निचांक 51.24 रुपये इतका होता.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)