Chhaava Box Office Collection Day 6: 'छावा' सब पर भारी है... सहाव्या दिवशी गाजवलं बॉक्स ऑफिस; एकूण 180.46 कोटींची कमाई

Chhaava Box Office Collection Day 6: विक्की कौशलचा (Vicky Kaushal) 'छावा' (Chhaava Movie) हा चित्रपट थिएटरमध्ये प्रदर्शित झाला आहे. चित्रपटातील विक्की कौशलचा अभिनय प्रेक्षकांची मनं जिंकत आहे. छत्रपती संभाजी महाराजांची (Chhatrapati Sambhaji Maharaj) भूमिका साकारून त्यानं आपल्या चाहत्यांना प्रभावित केलं आहे. अशा परिस्थितीत 'छावा' बॉक्स ऑफिसवर (Chhaava Box Office Collection) दररोज धमाकेदार कमाई करत आहे. या चित्रपटानं बॉक्स ऑफिसवर (Box Office Collection) आता 180 कोटींचा आकडा ओलांडला आहे.

'छावा' चित्रपटाचं प्रोडक्शन हाऊस असलेल्या मॅडॉक फिल्म्सच्या (Maddock Films) मते, 'छावा' चित्रपटानं पहिल्या दिवशी 33.1 कोटी रुपयांची कमाई करून भारतात बॉक्स ऑफिसवर आपलं खातं उघडलं आहे. दुसऱ्या दिवशी या चित्रपटानं 39.3 कोटी रुपये कमावले, तर तिसऱ्या दिवशी 49.03 कोटी रुपयांचा व्यवसाय केलेला.

6 दिवसांत किती कलेक्शन?

चौथ्या दिवशीही विक्की कौशलच्या चित्रपटानं 24.1 कोटींची कमाई केली आणि पाचव्या दिवशी 25.75 कोटी रुपयांचं कलेक्शन केलं होतं. सहाव्या दिवसाच्या सुरुवातीच्या आकडेवारीनुसार, विक्की कौशलच्या 'छावा'नं संध्याकाळी 4 वाजेपर्यंत 9.18 कोटी रुपयांची कमाई केली आहे. म्हणजेच, घरगुती बॉक्स ऑफिसवर फिल्मनं 6 दिवसांत एकूण 180.46 कोटी रुपयांचा गल्ला जमावला होता. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Instant Bollywood (@instantbollywood)

'छावा' ची तगडी स्टारकास्ट 

'छावा' चित्रपटाचं दिग्दर्शन लक्ष्मण उतेकर यांनी केलं आहे. तर, छत्रपती संभाजी महाराजांची भूमिका विक्की कौशलनं साकारली आहे. तर, साऊथ सुपरस्टार रश्मिका मंदाना महाराणी येसूबाईंच्या भूमिकेत आहे. मुघल बादशाह औरंगजेबाच्या भूमिकेत बॉलिवूड स्टार अक्षय खन्ना दिसून आला आहे. अशातच यासर्वांव्यतिरिक्त दिव्या दत्ता, आशुतोष राणा आणि विनीत कुमारही महत्त्वाच्या भूमिकेत दिसले आहेत. 

विक्की कौशल, रश्मिकाचे मोस्ट अवेटेड चित्रपट 

विक्की कौशल आणि रश्मिका मंदाना यांच्या वर्कफ्रंटबाबत बोलायचं झालं तर, विकी कौशलकडे 'लव्ह अँड वॉर' आहे. या चित्रपटाचं दिग्दर्शन संजय लीला भन्साळी करत आहेत. याशिवाय, विक्की कौशल दिनेश विजनच्या 'महावतार' चित्रपटातही दिसणार आहे. तर रश्मिका मंदाना सलमान खानच्या बहुप्रतिक्षित 'सिकंदर' चित्रपटाचा भाग असणार आहे. 2025 च्या ईदला हा चित्रपट प्रदर्शित होणार आहे. याशिवाय रश्मिका 'थमा' मध्येही दिसणार आहे. या चित्रपटात आयुष्मान खुराना मुख्य भूमिकेत असेल.

महत्त्वाच्या इतर बातम्या :

"चेंगराचेंगरी होऊन भयावह मृत्यूंपेक्षा चित्रपटातील 500 वर्षांपूर्वीचा सीन पाहून भावूक होत असतील तर तो समाज मनाने आणि आत्म्याने मेलाय"