Sanjay Raut PC : गिरीश महाजन डरपोक आणि गांXX संजय राऊतांची आक्रमक पत्रकार परिषद

Sanjay Raut PC : गिरीश महाजन डरपोक आणि गांXX संजय राऊतांची आक्रमक पत्रकार परिषद

Sanjay Raut on Girish Mahajan : उद्धव ठाकरे (Uddhav Thackeray) यांचा पक्ष जमीनदोस्त होण्याच्या मार्गावर आहे. पुढच्या आठ दिवसात त्यांच्याकडे कोणी राहणार नाही, असं वक्तव्य मंत्री गिरीश महाजन (Girish Mahajan) यांनी नाशिकमध्ये केलं होतं. आता गिरीश महाजन यांच्या वक्तव्याचा शिवसेना ठाकरे गटाचे खासदार संजय राऊत (Sanjay Raut) यांनी चांगलाच समाचार घेतला आहे.  

संजय राऊत म्हणाले की, गिरीश महाजन यांचा पक्ष मुळात जागेवर आहे का?  भ्रष्ट, ठेकेदार आणि हे लोक आमचा पक्ष जमीनदोस्त करायला निघाले आहेत. हातात पोलीस आहे, पैसे आहे. त्या ताकदीवर लोकांना धमक्या देऊन पक्ष फोडायचे आणि त्यासाठी भाजपने जे दलाल नेमले आहेत, त्यातले पक्ष फोडणारे एक दलाल म्हणजे गिरीश महाजन आहेत. ज्या दिवशी आमच्याकडे सत्ता असेल, त्या दिवशी पक्ष बदलणारा पहिला माणूस गिरीश महाजन असेल, असा हल्लाबोल त्यांनी केला. 

संजय राऊत पुढे म्हणाले की, उद्धव ठाकरे मुख्यमंत्री असताना त्यांच्या चौकशी सुरू झाल्या होत्या. तेव्हा ते पक्ष बदलायला तयार होते. महाविकास आघाडीचं सरकार होतं, तेव्हा त्यांच्या आर्थिक घोटाळ्यांच्या आणि इतर काही भानगडींच्या चौकशी सुरू होत्या. तेव्हा हेच निरोप पाठवत होते की, मी राजकारणातून बाहेर पडतो. मी शांत बसतो. हे डरपोक आणि गांX लोक आहेत, असे त्यांनी म्हटले.  

शिवसेनेने तुम्हाला चड्डीची नाडी बांधायला शिकवली

प्रत्येकाची वेळ येते. आज बाळासाहेब ठाकरे यांची शिवसेना जमीनदोस्त करण्याची जी भाषा तुम्ही वापरत आहात, तुम्हाला लाज वाटले पाहिजे. ज्या बाळासाहेब ठाकरे यांच्या शिवसेनेने तुम्हाला चड्डीची नाडी बांधायला शिकवली. तुम्ही राजकारणात कोण होतात?  आमचे काही लोक त्यांच्या बाजूला उभे राहून फोटो काढत होते, त्यावर आमचे लक्ष आहे. गिरीश महाजन जे बोलत आहेत, त्यांची भाषा त्यांच्या पक्षाला बुडवणार, असेही संजय राऊत यांनी म्हटले.