Top 80 Superfast News : 8 AM : टॉप 80 बातम्यांचा वेगवान आढावा : 24 June 2025 : ABP Majha

हिंदीसंदर्भात मुख्यमंत्र्यांच्या वर्षा निवासस्थानी बैठक, उपमुख्यमंत्री एकनाथ शिंदे आणि शालेय शिक्षण मंत्री दादा भुसे उपस्थित, त्रिभाषा सूत्रावर सर्व संबंधितांशी बोलूनच अंतिम निर्णय घेणार, मुख्यमंत्री फडणवीसांकडून स्पष्ट.

विद्यार्थ्यांच्या हिताचा निर्णय घेणार, त्रिभाषा सूत्रासंदर्भात वर्षा निवासस्थानी झालेल्या बैठकीनंतर शिक्षण मंत्री दादा भुसेंची प्रतिक्रिया. 

फडणवीस सरकारच्या तुघलकी निर्णयामुळे मराठी मनं दुखावली, सामनाच्या अग्रलेखातून टीका. तर मराठी भाषेसाठी मशाल घेऊन किती लेखक, अभिनेते पुढे आले?. सामनाच्या अग्रलेखातून मराठी कलावंतांना सवाल.

महाराष्ट्राचं हिंदीकरण करू नका, अन्यथा ह्या मराठीद्रोही सरकारला आमच्या संतापाचा सामना करावाच लागेल. ठाकरेंच्या शिवसेनेचे नेते अखिल चित्रेंचा इशारा

स्थानिक स्वराज्य संस्थांच्या निवडणुकीतील प्रभाग रचनांसंदर्भात सुधारीत कार्यक्रम जाहीर, निवडणुका दिवाळीनंतरच होण्याची शक्यता.

महायुतीच्या समन्वय समितीची आज बैठक, भाजप, शिवसेना आणि राष्ट्रवादीचे महत्वाचे नेते उपस्थित राहणार, स्थानिक स्वराज्य संस्थांच्या निवडणुकांबाबत चर्चा होणार असल्याची माहिती.

महायुतीत लढलो तरी बहुमत भाजपचंच असलं पाहिजे. जयकुमार गोरे यांचं ठाणे जिल्हा भाजपा कार्यकर्ता संवाद बैठकीत वक्तव्य. जिल्हा परिषद निवडणुकीत भाजपाला पूर्ण बहुमत मिळायला पाहिजे, गोरंचं विधान. 

स्थानिक स्वराज्य संस्थांच्या निवडणुकीसाठी भाजप अॅक्शन मोडवर, मुख्यमंत्री देवेंद्र फडणवीसांनी बोलावली बैठक, वर्षा निवासस्थानी सायंकाळी ७ वाजता प्रमुख नेत्यांची बैठक पार पडणार.