Majha Gaon Majha Jilha : माझं गाव माझा जिल्हा : 6:30 AM : 13 May 2025 : ABP Majha

खासदार अजित गोपछडेंनी घेतली सचिन वनजेंच्या कुटुंबीयांची भेट, यावेळी मुख्यमंत्री फडणवीसांनी वनजे कुटुंबीयांशी साधला संवाद, नांदेडच्या तमलुर गावचे वीर सुपुत्र शहीद जवान सचिन वनजे यांचं जम्मू-काश्मीरमध्ये सीमेचे रक्षण करताना वीरमरण.

महाराष्ट्र युवक काँग्रेसचे प्रदेशाध्यक्ष कृणाल राऊतांविरोधात नागपूर पोलीसात तक्रार, पैसे थकवल्यानं नागपूर पोलीस आयुक्तांकडे तक्रार.

आमदार अमल महाडिक आणि आमदार सतेज पाटील यांचं पालकमंत्री प्रकाश आबिटकरांना निवेदन, कोल्हापूर विमानतळाजवळचा उजळाईवाडी ते तामगाव रस्ता बंद केल्याने पर्यायी रस्ता तातडीने सुरु करण्याची केली मागणी, अमल महाडिक आणि सतेज पाटील एकत्र आल्याने चर्चेला उधाण.

राष्ट्रीय स्वयंसेवक संघाच्या "कार्यकर्ता विकास वर्ग, द्वितीय वर्ष"च्या प्रशिक्षण शिबिराला आजपासून नागपुरात सुरुवात. प्रशिक्षण शिबिरात देशभरातील 840 निवडक स्वयंसेवक सहभागी.

मुख्यमंत्री देवेंद्र फडणवीस वर्धा जिल्हा दौऱ्यावर होते, एकात्मिक आदिवासी प्रकल्प कार्यालय आणि उपप्रादेशिक परिवहन कार्यालयाचं फडणवीसांच्या हस्ते ई लोकार्पण, तर भाजपा जिल्हा कार्यालयाचंही भूमिपूजन संपन्न. 

वर्ध्यात देवाभाऊ राष्ट्रीय कब्बड्डी स्पर्धेचा समारोप, स्पर्धेत ७२० खेळाडू सहभागी, तर मुख्यमंत्री फडणवीसांसह अभिनेता सुनील शेट्टी आणि केसरी सिनेमाची टीम उपस्थित.

रायगड जिल्ह्यात पायाभूत क्रिकेट सुविधा वाढवण्यासाठी एमसीए सर्वोतोपरी प्रयत्न करणार. आमदार रोहित पवारांच वक्तव्य. एमसीए तर्फे प्रत्येक जिल्हा क्रिकेट संघटनेला प्रत्येकी ७५ लाख रुपयांचे अनुदान देणार असल्याची रोहित पवारांची माहिती.

अहिल्यानगरच्या पाथर्डी तालुक्यात अवकाळी पावसाची वादळी वाऱ्यासह  हजेरी. दरम्यान वीज कोसळून दोन जनावरे मृत्युमुखी पडली तर चार घरांची पडझड. मुसळधार पावसामुळे नदी-नाल्यांना पूरसदृश परिस्थिती.