Salman Khan ISPL Cricket League : बॉलिवूडचा भाईजान आता क्रिकेटमध्येही धुमाकूळ घालणार, सलमान खान बनला दिल्ली फ्रँचायझीचा मालक
Salman Khan Buys Team in Cricket League : दिल्लीच्या रंगात रंगला सलमान खान, क्रिकेटच्या मैदानात नव्या अध्यायाची सुरुवात!
Salman Khan Buys Team in Cricket League : देशातील पहिली आणि सर्वात मोठी टेनिस बॉल टी-10 क्रिकेट लीग इंडियन स्ट्रीट प्रीमियर लीग (ISPL) च्या तिसऱ्या हंगामापूर्वी एक मोठी घोषणा करण्यात आली आहे. बॉलिवूड सुपरस्टार सलमान खान आता ISPL मधील नवी दिल्ली फ्रेंचायझीचे मालक असणार आहेत. ही नवी टीम ISPL मध्ये अशा वेळी सामील झाली आहे, जेव्हा या लीगने आपल्या दुसऱ्या हंगामात प्रचंड लोकप्रियता मिळवली आहे. आयएसपीएल सीझन 2 ने टीव्हीवर 2.8 कोटींहून अधिक प्रेक्षकांपर्यंत पोहोचले आणि पहिल्या सीझनच्या तुलनेत 47 टक्के वाढ झाली. यामुळे आयएसपीएल मधील रोमांचक वाढला आहे.
आयएसपीएल सीझन 3 मध्ये सलमान खानची एन्ट्री
ट्रेंडिंग
सलमान खानच्या सामील होण्यामुळे केवळ नवी दिल्ली संघच बळकट होणार नाही, तर संपूर्ण लीगला एक नवीन ओळख मिळेल. आता तो अशा सेलिब्रिटींच्या यादीत सामील झाला आहे, ज्यांच्याकडे आधीच इतर आयएसपीएल संघ आहेत. यामध्ये अमिताभ बच्चन (माझी मुंबई), सैफ अली खान आणि करीना कपूर खान (टायगर्स ऑफ कोलकाता), अक्षय कुमार (श्रीनगर के वीर), सूर्या (चेन्नई सिंघम्स), हृतिक रोशन (बंगलोर स्ट्रायकर्स) आणि राम चरण (फाल्कन रायझर्स हैदराबाद) अशी नावे आहेत.
दिग्गज अभिनेता सलमान खान यांनी आपल्या भावना व्यक्त करताना म्हटलं, "क्रिकेट ही प्रत्येक भारतीय गल्लीची ओळख आहे. आणि जेव्हा हीच ऊर्जा स्टेडियमपर्यंत पोहोचते, तेव्हा ISPL सारख्या लीगचा जन्म होतो. मी कायमच क्रिकेटबद्दल अत्यंत उत्साही राहिलो आहे आणि आता ISPL सोबत जोडला गेल्याचा मला खूप आनंद आहे. ही लीग केवळ स्थानिक स्तरावरचा क्रिकेट पुढे नेत नाही, तर प्रतिभावान खेळाडूंना एक मजबूत आणि व्यापक मंच देखील उपलब्ध करून देते. ही तर फक्त सुरुवात आहे.
आयएसपीएलच्या संचालन समितीमध्ये भारतरत्न सचिन तेंडुलकर, केंद्रीय मंत्री आणि आशियाई क्रिकेट परिषदेचे सदस्य आशिष शेलार, मीनल अमोल काळे आणि लीग आयुक्त सूरज समत यांचा समावेश आहे. या समितीचे उद्दिष्ट देशातील रस्त्यांवरील आणि शहरांमधील उदयोन्मुख प्रतिभेला मुख्य प्रवाहातील क्रिकेटशी जोडणे आहे.
आयएसपीएलच्या संचालन समितीचे सदस्य आणि क्रिकेटचे दिग्गज सचिन तेंडुलकर म्हणाले, "पहिल्या दोन हंगामांना देशभरातून जबरदस्त पाठिंबा मिळाला आणि त्यामुळे खेळाडूंचा आत्मविश्वासही मोठ्या प्रमाणात वाढला आहे. हे खेळाडू दिवसरात्र मेहनत करून या मंचापर्यंत पोहोचले आहेत. आणि जेव्हा त्यांना संपूर्ण देशाकडून दाद मिळते, तेव्हा त्यांचा आत्मविश्वास दुपटीने वाढतो. आता एका नव्या टीमच्या समावेशामुळे या लीगशी अधिक नवीन चाहत्यांचा सहभाग वाढेल आणि त्यामुळे खेळाडूंना अधिक पाठिंबा मिळेल."