शेकडो भाविकांच्या उपस्थितीत विठ्ठल मंदिरात राम जन्म उत्साहात साजरा

आज श्री विठ्ठल रूक्मिणी मंदिरात रामनवमी जन्मोत्सव उत्साहात साजरा करण्यात आला. यावेळी शेकडोच्या संख्येने भाविक मंदिरात उपस्थित होते.

चैत्र शुध्द नवमीला प्रतिवर्षीप्रमाणे विठ्ठल सभामंडपामध्ये श्री रामनवमी जन्मोत्सव सकाळी 10.00 ते 12.00 या वेळेत मोठ्या उत्साहात साजरा करण्यात आला.

श्री विठ्ठलास उपवासाचा महानैवेद्य दाखवून दुपारी 12.00 वा. पांढरा पोशाख, पागोटे व साखरेचा हार परिधान करून श्रींच्या अंगावर गुलाल टाकून राम जन्मोत्सव सोहळा पार पडला.

यावेळी राम जन्माची कथा होऊन प्रसाद म्हणून सुंठवडा वाटप करण्यात आला.

श्री. विठ्ठल महाराज देहूकर फड (बिद्रीकर मंडळी) ह.भ.प.श्री. श्रीकांत महाराज पातकर यांचे विठ्ठल सभामंडप येथे श्री. रामनवमी जन्मोत्सवाचे कीर्तन संपन्न झाले.

यावेळी विठ्ठल सभा मंडपाला फुलांची आकर्षक सजावट करण्यात आली होती.

यावेळी विठ्ठल सभा मंडपाला फुलांची आकर्षक सजावट करण्यात आली होती.

राम जन्माच्या वेळेला सजवलेल्या पाळण्यात असलेल्या मूर्तीवर फुले उधळून राम जन्म साजरा करण्यात आला.

रामनवमी जन्मोत्सवा निमित्त मंदिराच्या अन्नछत्राच्या भोजनप्रसाद भाविकांना देण्यात आला.

श्री. विठ्ठल महाराज देहूकर फड (बिद्रीकर मंडळी) ह.भ.प.श्री. श्रीकांत महाराज पातकर यांचे विठ्ठल सभामंडप येथे श्री. रामनवमी जन्मोत्सवाचे कीर्तन संपन्न झाले.