एक्स्प्लोर

Shahaji bapu Patil: शहाजीबापूंनी वजनदार पॅटर्न बदलला! आठ दिवसात केलेल्या बदलाने रंगली चांगलीच चर्चा

Shahaji bapu Patil: वाघासारख्या डरकाळ्या फोडणाऱ्या बापूंचा आवाज त्यामुळे गेले आठ दिवस शांत झाला होते. आता पुन्हा एकदा बापू नव्या दमाने महाराष्ट्रासमोर येताना अधिक तंदुरुस्त होऊन समोर येत आहेत.

By : एबीपी माझा ब्युरो | Updated at : 02 Jan 2023 12:23 PM (IST)

Shahaji Bapu Patil

1/10

मुख्यमंत्री एकनाथ शिंदे गटाचे फायरब्रॅन्ड नेते म्हणून ओळख असणारे शहाजीबापू पाटील (Shahaji Bapu Patil) आता नवीन रूपात समोर येणार आहे.

2/10

बंगळूरू येथे हॅपिनेस कार्यक्रमातील पंचकर्म उपचार घेतल्यानंतर आता नऊ किलो वजन कमी करून पुन्हा नव्या जोमाने महाराष्ट्राच्या समोर येत आहेत.

3/10

नागपूर येथील हिवाळी अधिवेशनासाठी गेलेले बापू पहिल्या दोन दिवसानंतर गायब झाले होते. अगदी त्यांच्या सांगोल्यात येऊन शिवसेना उपनेत्या सुषमा अंधारे यांनी त्यांचेवर टीकेची तोफ डागल्यावरही बापूंकडून कोणतीच प्रतिक्रिया आलेली नव्हती.

4/10

आता याचे गुपित समोर आले असून 24 डिसेंबर रोजी शहाजीबापू त्यांचे मित्र महेश पाटील यांच्यासोबत बंगळूरू येथील श्री श्री रविशंकर यांच्या आश्रमात पंचकर्म आणि सुदर्शन क्रिया करण्यासाठी दाखल झाले होते.

5/10

वाघासारख्या डरकाळ्या फोडणाऱ्या बापूंचा आवाज त्यामुळे गेले आठ दिवस शांत झाला होते. आता पुन्हा एकदा बापू नव्या दमाने महाराष्ट्रासमोर येताना शाररिकदृष्ट्या अधिक तंदुरुस्त होऊन समोर येत आहेत.

6/10

बंगळूरू येथील आश्रमात 24 डिसेंबरपासून बापूंचा हा आयुर्वेदिक कार्यक्रम सुरु झाला होता. पहाटे पाच वाजता उठून रोज दोन तास योगासने करायची , यानंतर उकडलेल्या पालेभाज्या , कडधान्ये याचा नाश्ता करून दुपारी बौद्धिक ऐकायचे आणि ध्यान धारण करायचे.

7/10

वाफेवर उकडलेल्या पालेभाज्या आणि चपातीचे पौष्टिक आणि शुद्ध शाकाहारी भोजन करायचे. दुपारी सुदर्शन प्रक्रिया आणि व्यायाम करायचा, संध्याकाळी मेडिटेशन अशा भरगच्चं दिनक्रमात बापू मग्न होते.

8/10

नवीन वर्षाच्या पहिल्या दिवशी शहाजीबापूंचा सायंकाळी हा कोर्स पूर्ण झाला. आज बापू बंगळूरू येथून पुन्हा सांगोल्याकडे परता जाण्यासाठी निघाले आहेत.

9/10

या आठ दिवसाच्या कार्यक्रमामुळे तब्बल नऊ किलो वजन कमी झाले आहे. आता खूपच हलके वाटत असल्याचे शहाजीबापू सांगतात.

10/10

रोज मटणाची हाडे मोडणारे बापू वाफेवर उकडलेले खाऊन वाघाची शेळी बनले की पुन्हा नव्या दमात त्याच जोमाने बापू राज्यभर सभा गाजवत फिरणार हे येणारा काळच दाखवून देणार आहे.

Published at : 02 Jan 2023 12:23 PM (IST)

Tags :

Maharashtra News Shahaji Bapu Patil 'Eknath Shinde