एक्स्प्लोर

अहमदाबादमध्ये एअर इंडियाचं प्रवासी विमान क्रॅश;आकाशात धुराचे प्रचंड काळे लोट, पाहा धडकी भरवणारे फोटो

अपघाताच्या कारणांबाबतही अद्याप स्पष्टता नाही. प्रशासन आणि आपत्कालीन यंत्रणा घटनास्थळी दाखल झाल्या असून, परिस्थिती नियंत्रणात आणण्याचे प्रयत्न सुरू आहेत.

By : जयदीप मेढे | Updated at : 12 Jun 2025 02:51 PM (IST)

Air India Plane Crash

1/7

गुजरातमधील अहमदाबादमध्ये एक मोठा विमान अपघात झाला. एअर इंडियाचे विमान विमानतळावर कोसळले. यामध्ये अनेक प्रवासी जखमी होण्याची शक्यता आहे.

2/7

अहवालानुसार, एअर इंडियाचे विमान अहमदाबाद विमानतळावरून लंडनला जाणार होते. बोईंग ड्रीमलायनर 787 विमान उड्डाणाची तयारी करत होते.

3/7

एअर इंडियाच्या या विमानात 242 प्रवासी असण्याची शक्यता आहे. सध्या याबाबत पूर्ण माहिती समोर आलेली नाही.

4/7

अहमदाबादमधील सरदार वल्लभभाई पटेल विमानतळावर अग्निशमन दलाच्या अनेक गाड्या पोहोचल्या आहेत. विमानात भरपूर इंधन भरले होते. त्यामुळे प्रचंड आग आणि धुराचे काळे लोट दिसत आहेत.

5/7

अहमदाबाद – सरदार पटेल आंतरराष्ट्रीय विमानतळावर एअर इंडियाच्या विमानाला भीषण अपघात झाला आहे. AI-171 हे विमान अहमदाबादहून लंडनच्या दिशेने निघाले होते, मात्र अवघ्या काही मिनिटांतच ते क्रॅश झाले.

6/7

अपघाताची वेळ साधारणपणे 1 वाजून 17 मिनिटांची असून, विमानाचे उड्डाण 1 वाजून 10 मिनिटांनी झाले होते. उड्डाण घेतल्यानंतर काही क्षणांतच तांत्रिक बिघाडामुळे विमान कोसळल्याचा प्राथमिक अंदाज व्यक्त केला जात आहे.

7/7

या अपघातात आजूबाजूच्या काही इमारतींनाही मोठे नुकसान झाले आहे. घटनास्थळी बचावकार्य सुरु असून, अग्निशमन दल आणि आपत्कालीन सेवा तत्काळ दाखल झाल्या आहेत. प्रवाशांचे जीवितहानीबाबत अजून अधिकृत माहिती मिळालेली नाही.

Published at : 12 Jun 2025 02:47 PM (IST)

Tags :

Plane Crash Ahmedabad News Accident Air India Plane