अकोला हादरले! कौटुंबिक कलहाने टोक गाठलं, नवऱ्यानं पत्नीसह 3 वर्षांच्या चिमुकलीला संपवलं, आरोपी अटकेत

अकोल्यात कौटुंबिक वादातून पतीने आपल्या पत्नी आणि तीन वर्षांच्या मुलीची हत्या केल्याची धक्कादायक घटना घडली आहे.

अकोला शहरातील तारफैल भागात ही घटना घडली असून परिसरात खळबळ उडाली आहे.

घटनेची माहिती कळताच घटनास्थळी पोलीस दाखल झाले. घटनेचा पंचनामा सुरु असून आरोपी पतीला पोलीसांनी ताब्यात घेतलं आहे.

मृत महिलेचं नाव अश्विनी सुरज गणवीर असून तिचं वय २५ वर्ष होतं. तर मृत चिमुकलीचं नाव आयशा गणवीर असून ती केवळ तीन वर्षांची होती. आरोपी सुरज गणवीर उर्फ गोट्या याने वादातून दोघांची हत्या केली. पोलिसांनी त्याला अटक केली आहे.

कौटुंबिक कलहातून ही हत्या झाल्याचं पोलिसांच्या प्राथमिक तपासात उघड झालं आहे.

आरोपी तरुणास पोलिसांनी अटक केली असून परिसरात मोठी खळबळ उडाली आहे.