Pune Crime news: पुण्यातील हडपसरमध्ये मावसभावाची मस्ती नडली, गावठी कट्ट्यातून गोळी सुटली; खांद्यातून आरपार, पोलिसांकडून गुन्हा दाखल
Pune Crime News : पुण्याच्या हडपसर परिसरात एका मुलाने मस्तीखोरपणात हवेत गोळीबार केला. मात्र, या गोळीबारात त्याच्या मावस भावाच्या खांद्यातून गोळी आरपार गेल्याची घटना घडली आहे.
Pune Crime : पुण्याच्या हडपसर (Hadapsar) परिसरात एका मुलाने मस्तीखोरपणात हवेत गोळीबार केला. मात्र, या गोळीबारात त्याच्या मावस भावाच्या खांद्यातून गोळी आरपार गेली. या प्रकारामुळे परिसरात एकच खळबळ उडाली असून, नागरिकांमध्ये भीतीचे वातावरण निर्माण झाले आहे. पुण्यात (Pune News) गुन्हेगारीचे प्रमाण आधीच वाढत असताना, अशा प्रकारची बेजबाबदार मस्ती हा चिंतेचा विषय ठरत आहे. गुन्हेगारीच्या वाढत्या घटनांमुळे पुण्याच्या शांततेवर आणि सुरक्षिततेवर गंभीर प्रश्नचिन्ह निर्माण झाले आहे. (Pune Crime News)
पुण्यातील हडपसर परिसरातील सातववाडीकडे जाणाऱ्या कॅनल रोडवर ही घटना घडली. चार तरुण दुचाकीवरून एकत्र प्रवास करत असताना, त्यापैकी एकाने मस्तीच्या नादात पिस्तुल लोड करून हवेत गोळीबार केला. मात्र गोळी हवेत जाण्याऐवजी चुकून त्याच्याच मावस भावाच्या खांद्यातून आरपार गेली. ही घटना 29 मे रोजी रात्री सव्वा आठच्या सुमारास घडली असून, गोळी गावठी पिस्तुलातून झाडली गेली होती. गोळी लागल्यानंतर जखमी तरुणाला तात्काळ एका खासगी रुग्णालयात नेण्यात आले. मात्र गोळी लागल्याचा प्रकार लक्षात आल्यानंतर डॉक्टरांनी त्याला तातडीने ससून रुग्णालयात (Sassoon Hospital) हलवले.
मावस भावाच्या खांद्यातून गोळी आरपार
ससून रुग्णालयातून मिळालेल्या वैद्यकीय माहितीच्या (MLC) आधारे मुंढवा पोलिसांनी (Mundhwa Police) तपास सुरू केला आणि हा गंभीर प्रकार उघडकीस आला. ससून रुग्णालय, पुणे येथून प्राप्त झालेल्या एमएलसीच्या अनुषंगाने पोलिसांनी रुग्णालयात जाऊन चौकशी केली. त्यावेळी अशी माहिती समोर आली की, जखमी तरुणाचे नाव वैभव श्रावण गवळी (20, व्यवसाय - डिलिव्हरी बॉय, रा. केशवनगर, मुंढवा, पुणे) असून, तो त्याचा मावस भाऊ सुमित खवळे आणि मित्र बसवराज सुतार यांच्यासोबत 29 मे 2025 रोजी रात्री सुमारे 8.15 वाजण्याच्या सुमारास दुचाकीवरून पांढरे मळा कॅनल रोड, हडपसर येथे वाढदिवसासाठी निघाले होते. या दरम्यान, सुमित खवळे याने आपल्या जवळ बेकायदेशीररीत्या बाळगलेला गावठी कट्टा मस्तीखोरपणाने बाहेर काढून गोळी झाडली. मात्र, ही गोळी चुकून समोर दुचाकीवर बसलेल्या वैभव गवळीच्या डाव्या खांद्यावर लागली, आणि तो गंभीर जखमी झाला.
इतर महत्त्वाच्या बातम्या
महत्त्वाच्या बातम्या
ट्रेंडिंग न्यूज
