एक्स्प्लोर

BJP District President List : बीड ते संभाजीनगर, नाशिक ते अहिल्यानगर; भाजपकडून उर्वरित 22 जिल्हाध्यक्षांच्या नावांची घोषणा; पाहा संपूर्ण यादी

BJP District President List : भारतीय जनता पक्षाने राज्यातील उर्वरित 22 जिल्हाध्यक्षांची नावे अखेर जाहीर केली आहेत. याआधी पक्षाकडून 58 जिल्हाध्यक्षांची यादी प्रसिद्ध करण्यात आली होती.

By : अभिषेक मुठाळ | Updated at : 31 May 2025 04:12 PM (IST)

BJP announces names of remaining 22 district presidents Devendra Fadnavis Chandrashekhar Bawankule Maharashtra Politics Marathi News BJP District President List : बीड ते संभाजीनगर, नाशिक ते अहिल्यानगर; भाजपकडून उर्वरित 22 जिल्हाध्यक्षांच्या नावांची घोषणा; पाहा संपूर्ण यादी

BJP District President List

Source : ABP Majha

BJP District President List : भारतीय जनता पक्षाने राज्यातील उर्वरित 22 जिल्हाध्यक्षांची नावे अखेर जाहीर केली आहेत. याआधी पक्षाकडून 58 जिल्हाध्यक्षांची यादी प्रसिद्ध करण्यात आली होती. मात्र उर्वरित 22 जिल्ह्यांच्या संदर्भात अंतर्गत मतभेद आणि स्थानिक स्तरावरील राजकीय गणितामुळे ही यादी काही काळासाठी रोखून धरली गेली होती. सध्या काही जिल्ह्यांमध्ये चर्चा पूर्ण झाल्यानंतर आणि स्थानिक व केंद्रीय नेत्यांमध्ये समन्वय साधल्यानंतर या उर्वरित जिल्हाध्यक्षांच्या नावांची घोषणा करण्यात आली आहे. आगामी स्थानिक स्वराज्य संस्था निवडणुकांच्या पार्श्वभूमीवर हा निर्णय महत्त्वाचा मानला जात आहे.

यासंदर्भात दोन दिवसांपूर्वी मुख्यमंत्री देवेंद्र फडणवीस यांच्या निवासस्थानी एक महत्त्वाची बैठक झाली होती. या बैठकीत भाजपचे राष्ट्रीय सरचिटणीस अशोक सिंह, सह-संघटनमंत्री शिवप्रकाश आणि महाराष्ट्र प्रदेशाध्यक्ष चंद्रशेखर बावनकुळे यांनी उपस्थित राहून जिल्हाध्यक्ष निवडीसंबंधी चर्चा केली होती. यानंतर आता भाजपकडून उर्वरित 22 जिल्हाध्यक्षांच्या नावांची घोषणा करण्यात आली आहे. यात नाशिक, नगर, बीडसह प्रमुख जिल्हाध्यक्षांची नावे जाहीर करण्यात आली आहे.

भारतीय जनता पार्टी, महाराष्ट्र प्रदेशातील संघटनात्मक जिल्ह्यांकरिता उर्वरित जिल्हाध्यक्ष पदांची घोषणा पुढील प्रमाणे करण्यात येत आहे.

सर्व नवनियुक्त जिल्हाध्यक्षांना पुढील वाटचालीसाठी शुभेच्छा!#BJP #Maharashtra pic.twitter.com/ROaVwxCmal
— भाजपा महाराष्ट्र (@BJP4Maharashtra) May 31, 2025