मांजर आडवं गेल्याने अपशकून झाल्याची भावना, हैवानांच्या कृत्याने संताप
Uttar Pradesh Crime News : मांजर आडवं गेल्याने अपशकून झाल्याची भावना, हैवानांच्या कृत्याने संताप
Uttar Pradesh Crime News : उत्तर प्रदेशातील मुरादाबादमधून एक बातमी ऐकून तुमची तळपायाची आग मस्तकात गेल्याशिवाय राहाणार नाही. एका महिलेने तिच्या काही मित्रांच्या मदतीने मांजरीला जीवंत जाळून (Uttar Pradesh Crime News) टाकल्याची घटना घडली आहे. मांजर आडवी आल्यानं महिलेसह तिच्या मित्रांनी हे कृत्य केल्याचे समोर आले आहे. याप्रकरणी पोलिसांकडून गुन्हा दाखल करण्यात आलाय. अंधश्रद्धेला बळी पडून मुक्या प्राण्याचा अशा पद्धतीने जीव घेतल्यानंतर अशा हैवानांना कोणती शिक्षा द्यायची असा सवाल उपस्थित करण्यात येतोय. काय आहे हे संपूर्ण प्रकरण सविस्तर जाणून घेऊया.
अंधश्रद्धेतून घेतला मांजरीचा जीव
आपण अनेकदा ऐकले आहे की, काही कामासाठी बाहेर जाताना मांजर तुमचा रस्ता ओलांडली तर ते अशुभ असते. पण तुम्ही कधी विचार केला आहे का की, जर तो मांजर एखाद्याच्या समोरून गेली तर कोणाचे नुकसान कसे होईल? या प्रकरणात ज्यांच्यासमोर मांजर आडवी गेली त्यांचे तर नुकसान झालेच नाही. मात्र, त्या मांजराचा मात्र या हैवानांनी विनाकारण जीव घेतलाय. उत्तर प्रदेशातील मुरादाबादमध्ये काही लोकांनी क्रौर्याची परिसीमा ओलांडून एका मांजरीला जाळले.
मांजर आडवी गेल्यानंतर उत्तर प्रदेशात ह्रदय पिळवटून टाकणारी घटना
ज्या लोकांचा मार्ग मांजरीने ओलांडला ते मोटरसायकल चालवत होते, त्या लोकांमध्ये एका महिलेचा समावेश होता. ही मंडळी रस्त्याने जात असताना एका मांजरीने त्यांची वाट ओलांडली. दरम्यान, त्या लोकांनी संतप्त होऊन आधी मांजरीला मारहाण केली आणि त्यानंतर पेटवून दिले. त्याचा व्हिडीओ सोशल मीडियावर व्हायरल झालाय. मात्र,असा सर्वांना विचलीत करणारा व्हिडीओ शेअर करणे योग्य नाही, त्यामुळे आम्ही तो व्हिडीओ देणे टाळत आहोत. मात्र, मांजरीला जीवंत जाळल्याची ह्रदय पिळवटून टाकणारी घटना उत्तर प्रदेशात घडलीये.
दरम्यान, मांजरीला क्रूरतेने संपवणाऱ्या हैवानांवर गुन्हा दाखल करण्यात आलाय. वास्तविक वन्यजीव गुन्हे नियंत्रण ब्युरोला व्हिडिओसह एक ईमेल प्राप्त झाला, त्यानंतर कारवाई करण्यात आली. आरोपींवर वन्यजीव संरक्षण कायदा 1972 अंतर्गत गुन्हा दाखल करण्यात आला आहे. एफआयआरनुसार, आरोपी हे कृत्य कॅमेऱ्यात करताना दिसले. अधिकाऱ्यांनी त्याच्या मोटारसायकलचा शोध घेतला असून पुढील तपास सुरू आहे.
इतर महत्त्वाच्या बातम्या
महत्त्वाच्या बातम्या
ट्रेंडिंग न्यूज
