Kolkata Law College Case: 'मी पाय धरून विनवणी केली, पण त्यांनी मला खेचत खोलीत नेलं आणि...' कोलकाता सामूहिक अत्याचार पीडितेची हृदयद्रावक कहाणी
Kolkata Law College Case: या प्रकरणातील मुख्य आरोपी मोनोजित मिश्रा आहे. तो कॉलेजचा माजी विद्यार्थी आहे आणि तृणमूल काँग्रेस छात्र परिषद (टीएमसीपी) च्या युनिटचा अध्यक्ष आहे.
Kolkata Law College Case: पश्चिम बंगालमध्ये एका लॉ स्टुडंटवर सामूहिक बलात्काराची भयानक घटना समोर आली आहे. पोलिसांनी या क्रूरतेमध्ये सहभागी असलेल्या तीन जणांना अटक केली आहे, ज्यात कॉलेजचे दोन सध्याचे विद्यार्थी आणि एका माजी विद्यार्थ्याचा समावेश आहे. ही घटना 25 जून रोजी संध्याकाळी 7.30 ते 10.50 दरम्यान घडल्याचे सांगितले जाते. पीडितेच्या तक्रारीवरून दाखल केलेल्या एफआयआरनुसार, या प्रकरणातील मुख्य आरोपी मोनोजित मिश्रा आहे. तो कॉलेजचा माजी विद्यार्थी आहे आणि तृणमूल काँग्रेस छात्र परिषद (टीएमसीपी) च्या युनिटचा अध्यक्ष आहे. याशिवाय, एफआयआरमध्ये आणखी दोन आरोपी जैब अहमद आणि प्रमित मुखर्जी यांची नावे आहेत.
मुख्य आरोपीने लग्नासाठी दबाव आणला
विद्यार्थीनीनं तिच्या तक्रारीत म्हटले आहे की मुख्य आरोपी मोनोजित मिश्राने तिच्यावर लग्नासाठी दबाव आणला. पीडितेने जेव्हा तिचा प्रियकर असल्याचे सांगितले तेव्हा आरोपीने त्यालाही इजा करण्याची आणि तिच्या पालकांना खोट्या प्रकरणांमध्ये अडकवण्याची धमकी दिली. आरोपीने पीडितेच्या प्रियकराला कॉलेजमध्ये कोंडून ठेवले आणि मारहाण केली.
पीडितेची हृदयद्रावक कहाणी
पीडितेच्या तक्रारीत म्हटले आहे की, "आरोपींनी मला त्याच्याशी लैंगिक संबंध ठेवण्यास भाग पाडण्याचा प्रयत्न केला. मी नकार दिला आणि त्याला मागे ढकलले. मी रडत त्याला मला जाऊ देण्यास सांगितले. मी त्याला सांगितले की माझा एक बॉयफ्रेंड आहे आणि मी त्याच्यावर खूप प्रेम करते, पण त्याने माझे ऐकले नाही." पीडितेने सांगितले की, "मी मला जाऊ देण्यासाठी त्यांचे पाय धरले, पण त्यांनी ऐकले नाही. मी घाबरू लागली आणि श्वास घेण्यास त्रास होऊ लागला. मी त्यांना मला रुग्णालयात नेण्यास सांगितले, पण त्यांनी माझे ऐकले नाही. त्यांनी मला जबरदस्तीने गार्ड रूममध्ये नेले आणि माझ्यावर सामूहिक बलात्कार केला." आरोपींनी कायदेशीर कारवाई करण्यासाठी पीडितेला धमकी दिली. पीडितेने तक्रारीत म्हटले आहे की, "आरोपींनी या संपूर्ण घटनेचा व्हिडिओ रेकॉर्डही केला. त्याने मला धमकी दिली की जर मी बाहेर काही केले तर तो हा व्हिडिओ सर्वांना दाखवेन. जेव्हा मी खोलीतून बाहेर पडण्याचा प्रयत्न करत होते तेव्हा त्यांनी मला हॉकी स्टिकने मारण्याचा प्रयत्न केला. मला न्याय हवा आहे."
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
