Rajeshwari-Somnath Wedding : आधी हळदीची चर्चा, आता थेट शेअर केला लग्नाचा फोटो; 'फँड्री' फेम शालू अन् जब्याचं शुभमंगल सावधान?

Rajeshwari Kharat-Somnath Awaghade Wedding Rumors : दिग्दर्शक नागरात मंजुळे यांच्या फँड्री चित्रपटातून अभिनेत्री राजेश्वरी खरात  आणि अभिनेता सोमनाथ अवघडे यांना प्रसिद्धी मिळाली. अस्सल मातीतील फँड्री चित्रपट फक्त महाराष्ट्रातच नाही, तर जगभरात गाजला. या चित्रपटात जब्याची भूमिका साकारणारा अभिनेता सोमनाथ अवघडे आणि शालूची भूमिका साकारणारी अभिनेत्री राजेश्वरी खरात आता पुन्हा एकदा चर्चेत आले आहेत. राजेश्वरी खरातने तिच्या सोशल मीडियावर अकाऊंटवर सोमनाथ अवघडेसोबतचा खास फोटो शेअर केला आहे. हा फोटो समोर आल्यानंतर राजेश्वरी खरात आणि सोमनाथ अवघडे यांनी लग्न केल्याची चर्चा सुरु झाली आहे.

काळ्या चिमणीची राख गावली!  

अभिनेत्री राजेश्वरी खरात ही सोशल मीडियावर प्रचंड सक्रिय असते आणि चाहत्यांसोबत फोटो आणि व्हिडीओ शेअर करत असते. नुकताच राजेश्वरी खरातने तिच्या इंस्टाग्राम अकाऊंटवर सोमनाथ अवघडेसोबतचा एक फोटो शेअर केला आहे. हा फोटो समोर आल्यानंतर राजेश्वरीने गुपचूप लग्न उरकल्याची चर्चा रंगली आहे. काही दिवसांपूर्वी राजेश्वरीने हळदीचा एक फोटो शेअर केला होत. त्यानंतर आता लग्नाचा फोटो समोर आल्यानंतर दोघांनी लग्न केल्याची चर्चा रंगली आहे. हा फोटो सध्या सोशल मीडियावर जोरदार व्हायरल होत आहे.

'फँड्री' फेम शालू अन् जब्याचं शुभमंगल सावधान?

राजेश्वरी खरातने तिच्या इंस्टाग्राम अकाऊंटवर शेअर केलेल्या फोटोमध्ये दोघेही नवरा-नवरीच्या पोशाखात दिसत आहेत. राजेश्वरी नवरी मुलगी आणि सोमनाथ नवरदेव असल्याचं दिसत आहे. दोघांच्याही डोक्यावर बाशिंग आहे. फोटोमध्ये राजेश्वारी एका खुर्चीवर बसली असून तिच्या शेजारी सोमनाथ उभा असल्याचं दिसत आहे. दोघांचा हा लग्नमंडपातील फोटो सध्या सोशल मीडियावर तुफान व्हायरल होत आहे. दोघांच्या लग्नाची अफवा उडाली असून चाहत्यांमध्ये आनंदाचं वातावरण आहे.

हळदीनंतर लग्नाचा फोटो व्हायरल

 

 

 

 

 

View this post on Instagram

 

 

 

 

 

 

 

 

 

 

 

A post shared by Rajeshwari Kharat (@rajeshwariofficial)

काही दिवसांपूर्वी शेअर केला हळदीचा फोटो

काही दिवसांपूर्वी राजेश्वरी खरातने हळदी कार्यक्रमातील एक फोटो शेअर केला होता. ज्यामध्ये सोमनाथने पांढरा कुर्ता, तर राजेश्वरीने पिवळी साडी नेसली होती. दोघांच्या डोक्यांला मुंडावळ्या दिसत होत्या. त्यांच्यासमोर आरतीचं आणि हळदीचं ताट दिसत होतं. महत्त्वाचं म्हणचे या दोन्ही फोटोंना कोणतंही कॅप्शन देण्यात आलेलं नाही. तेव्हापासूनच या दोघांच्या लग्नाच्या चर्चांना उधाण आलं आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Rajeshwari Kharat (@rajeshwariofficial)

महत्त्वाच्या इतर बातम्या :

Singham Again BO Collection Day 1 : निगेटिव्ह रिव्ह्यूजनंतरही 'सिंघम अगेन'ची बॉक्स ऑफिसवर बाजी, भुल भुलैया 3 ला मागे टाकत कमावले 'इतके' कोटी