Raid 2 Box Office Collection Day 23: 'रेड 2' ठरणार अजय देवगणची चौथी सर्वात मोठी फिल्म? कमाईच्या सर्वात मोठ्या टप्प्यापासून काही पावलं दूर

Raid 2 Box Office Collection Day 23: राजकुमार गुप्ता (Raj Kumar Gupta) दिग्दर्शित 'रेड 2' (Raid 2) 1 मे रोजी थिएटरमध्ये प्रदर्शित झाला. तेव्हापासून हा चित्रपट बॉक्स ऑफिसवर (Box Office) चांगलीच कमाई करत आहे. या चित्रपटाद्वारे अजय देवगणनं (Ajay Devgn) पुन्हा एकदा सिद्ध केलं आहे की, तो बॉक्स ऑफिसचा (Box Office Collection) राजा आहे आणि चित्रपट कसा हिट करायचा हे त्याला माहीत आहे. या चित्रपटानं प्रदर्शनाचे तीन आठवडे पूर्ण केले आहेत आणि चौथ्या आठवड्यात प्रवेश केला आहे. 'रेड 2'नं रिलीजच्या चौथ्या शुक्रवारी म्हणजेच, 23 व्या दिवशी किती कमाई केली? ते सविस्तर जाणून घेऊयात... 

'रेड 2'नं 23 व्या दिवशी किती कमाई केली?

'रेड 2 रिलीजच्या पहिल्या दिवसापासूनच बॉक्स ऑफिसवर धुमाकूळ घालत आहे. अजय देवगण स्टारर 'रेड 2 या चित्रपटानं 2025 विक्की कौशलचा चित्रपट वगळता सर्व चित्रपटांना मागे टाकलं आहे आणि वर्षातील दुसऱ्या क्रमांकाचा सर्वाधिक कमाई करणारा चित्रपटही बनला आहे. एवढंच नाही तर, हा अजय देवगणच्या कारकिर्दीतील पाचवा सर्वाधिक कमाई करणारा चित्रपट बनला आहे. इतके विक्रम केल्यानंतरही 'रेड 2' थांबत नाहीये आणि बॉक्स ऑफिसवर आपला ठसा उमटवत आहे. तीन आठवडे उत्तम कामगिरी केल्यानंतर, 'रेड 2' चौथ्या आठवड्यातही कमाई करत आहे. दरम्यान, 'रेड 2'ला टक्कर देण्यासाठी, राजकुमार रावचा 'भूल चुक माफ' देखील थिएटरमध्ये दाखल झाला आहे. 

ट्रेंडिंग

जेव्हा विराट कोहली आणि जिनिलियाची एक जाहिरात रात्रीतून बॅन करण्यात आली होती; कारण ऐकून सगळेच हैराण झाले होते

'ये रिश्ता क्या कहलाता है' फेम अभिनेत्रीने लग्नाच्या 15 वर्षानंतर घेतला घटस्फोट; म्हणाली, गोंडस मुलगा दिल्याबद्दल धन्यवाद

मुंबई महापालिकेचे कर्मचारी 'मन्नत'वर पाहाणीसाठी पोहोचले; शाहरुख खानकडून पहिली प्रतिक्रिया

तू हरलास म्हणजे आम्ही सगळे हरलो, अभिनेता तुषार घाडीगावकर याने आयुष्य संपवल्यानंतर सिनेसृष्टी हळहळली

मॉडेलिंग हा अपघात, माझ्यासोबतचा प्रँक; देवेंद्र फडणवीसांनी सांगितलं 90s चं सर्वात आवडतं गाणं कोणतं?

1993 मधील ब्लॉकबस्टर गाण्याचा वाद, जो वाद संसदेत पोहोचला, 'त्या' एका स्टेपमुळे घामटा फुटला!

• 'रेड 2'नं रिलीजच्या पहिल्या आठवड्यात 95.75 कोटी रुपये कमावले होते.
• दुसऱ्या आठवड्यात 'रेड 2'चं कलेक्शन 40.6 कोटी रुपये होते.
• तिसऱ्या आठवड्यात चित्रपटाने 20.5 कोटी रुपयांची कमाई केली.
• सॅक्निल्कच्या सुरुवातीच्या ट्रेंड रिपोर्टनुसार, 'रेड 2'नं रिलीजच्या 23 व्या दिवशी 1 कोटी रुपये कमावले आहेत.
• यासह, 'रेड 2' ची 23 दिवसांत एकूण कमाई आता 157.85 कोटी रुपये झाली आहे.

'रेड 2' अजय देवगणचा चौथा सर्वात मोठा चित्रपट बनेल का?

'रेड 2'नं चौथ्या शुक्रवारी आतापर्यंतचं सर्वात कमी कलेक्शन केलं आहे. हा अजय देवगणच्या कारकिर्दीतील पाचवा सर्वाधिक कमाई करणारा चित्रपट बनला आहे. अभिनेत्याच्या चौथ्या सर्वाधिक कमाई करणाऱ्या चित्रपटाचा विक्रम 'गोलमाल अगेन'च्या नावावर आहे, जो 2017 मध्ये प्रदर्शित झाला होता आणि त्यानं 205.69 कोटी रुपये कमावले होते.

आता 'रेड 2'साठी 'गोलमाल अगेन'ला हरवणं सोपं नाही. पहिलं म्हणजे, त्याचं कलेक्शन दररोज घसरत चाललं आहे आणि दुसरं म्हणजे, अजयचा चौथा सर्वात मोठा चित्रपट बनण्यासाठी त्याला सुमारे 48 कोटी रुपयांच्या कलेक्शनची आवश्यकता आहे. घटत्या कमाईमुळे, 'रेड 2' ला हा आकडा गाठणं सोपा नाही. चौथ्या आठवड्यात चित्रपट कसा कामगिरी करतो? हे पाहणं औत्सुक्याचं ठरणार आहे. 

महत्त्वाच्या इतर बातम्या : 

Paresh Rawal Exits Hera Pheri 3: Confirmed! 'हेरा फेरी 3' मधून परेश रावल ऑफिशिअली एग्झिट; 14.89 कोटींचं सोसलं नुकसान, त्यासोबतच 15% व्याजासह 11 लाख रुपये केले परत!