Nilesh Chavan Arrested : नेपाळ ब़ॉर्डरवरून पिंपरी चिंचवड पोलिसांनी निलेश चव्हाणच्या मुसक्या आवळल्या

Nilesh Chavan Arrested : नेपाळ ब़ॉर्डरवरून पिंपरी चिंचवड पोलिसांनी निलेश चव्हाणच्या मुसक्या आवळल्या  

पुणे : वैष्णवी हगवणे (Vaishnavi hagawane) प्रकरणात आरोपी असलेल्या बंदूकधारी निलेश चव्हाणला अटक करण्यात पिंपरी चिंचवड पोलिसांना यश मिळालं आहे. अँडी गुंडा स्क्वॉड आणि पुणे क्राइम ब्रांच यांनी संयुक्तपणे कारवाई करत निलेशला थेट नेपाळ बॉर्डरवरून ताब्यात घेतलं आहे. वैष्णवीच्या बाळाची हेळसांड केल्याप्रकरणी त्याच्यावर बावधन पोलिसांत गुन्हा दाखल आहे. या गुन्ह्यानंतर तो पोलिसांना (police) शरण येण्याऐवजी फरार झाला होता. फरार झाल्यानंतर 21 मे रोजी निलेश चव्हाण पुणे (Pune) आणि महाराष्ट्रातून बाहेर गेला  अखेर 10 दिवसानंतर त्याला ताब्यात घेण्यात आलंय. वैष्णवीच्या आत्महत्येनंतर तिच्या बाळाचा ताबा निलेशकडे होता. मात्र, बाळाचा ताबा मागण्यासाठी वैष्णवीच्या आई-वडिलांनी त्याच्याकडे मागणी केली असता, निलेशने बंदुकीचा धाक दाखवून त्यांना हुसकावून लावले होते. अखेर, माध्यमांत हे वृत्त झळकल्यानंतर पोलिसांनी आरोपी निलेशवर देखील गुन्हा दाखल केला आहे.  

वैष्णवी हगवणे आत्महत्या प्रकरणात पोलिसांनी हगवणे कुटुंबातील सर्वच आरोपींना अटक केली असून सध्या ते पोलीस व न्यायालयीन कोठडीत आहेत. तर, या प्रकरणात वैष्णवीच्या बाळाची हेळसांड करणारा आरोपी निलेश चव्हाण गुन्हा दाखल झाल्यापासून फरार होता. 21 मे रोजी निलेश महाराष्ट्राबाहेर केला होता. त्यानंतर,  25 मे रोजी खासगी ट्रॅव्हल्सने तो उत्तर प्रदेशच्या गोरखपूर येथून दिल्लीला गेला. ज्या बसने तो प्रवास करत होता, त्या वातानुकूलित बसमधील प्रवासाचे सीसीटीव्ही फुटेज समोर आले असून त्यात निलेश चव्हाण दिसून येत आहे. स्लीपर सीटवरुन उतरत असताना, हाती पाण्याची बाटली घेतलेला निलेश चव्हाण बिनधास्तपणे फिरताना पाहायला मिळत आहे.