Solapur Crime: सोलापूरमध्ये MBBS डॉक्टरने गळा कापून आयुष्य संपवलं; वैद्यकीय क्षेत्रात खळबळ

सोलापूर:  सोलापुरातील प्रख्यात मेंदूविकारतज्ज्ञ डॉ. शिरीष वळसंगकर यांनी काही दिवसांपूर्वी गोळी झाडून आत्महत्या केली. त्या घटनेने शहर हादरलं, त्याचा तपास सुरू असतानाच आता सोलापुरच्या (Solapur Crime News) शासकीय रुग्णालयात इंटर्नशिप करणाऱ्या डॉक्टराने अज्ञात कारणावरून आत्महत्या केल्याची धक्कादायक घटना समोर आली आहे. चाकूच्या साहाय्याने स्वतःचा गळा कापून घेत आत्महत्या केल्याने वैद्यकीय क्षेत्रात एकच खळबळ उडाली आहे. (Solapur Crime News)

डॉ. आदित्य नमबियार असे आत्महत्या (Solapur Crime News) केलेल्या डॉक्टरचे नाव आहे. मेंदूविकारतज्ज्ञ डॉ. शिरीष वळसंगकर यांचं आत्महत्या प्रकरण ताजे असतानाच आणखी एका डॉक्टरची आत्महत्या झाल्याने शहरात खळबळ उडाली आहे. डॉ. आदित्य नमबियार याचे एमबीबीएस झाल्यानंतर नुकतेच इंटर्नशिप देखील पूर्ण झाल्याची प्राथमिक माहिती समोर आली आहे. सोलापूरच्या होटगी रोड परिसरात भाड्याने राहत असलेल्या रूममध्ये गळा कापून घेत त्याने आपलं जीवन संपवलं आहे. रूममधील बाथरूममध्ये रक्तबंबाळ अवस्थेत डॉ. आदित्य याचा मृतदेह (Solapur Crime News) आढळून आला आहे. दरम्यान घटनास्थळावर पोलिस दाखल झाले असून मृतदेह शवविच्छेदनासाठी सोलापूरच्या शासकीय रुग्णालयाकडे रवाना करण्यात आला आहे. या घटनेने परिसरात हळहळ व्यक्त केली जात आहे.