Tej Pratap Yadav : तेजप्रतापच्या लफड्याबद्दल माहिती होतं, तर माझं आयुष्य का बरबाद केलं? ऐश्वर्या रायचा लालूंच्या कुटुंबाला मोठा प्रश्न

Aishwarya Rai PC Bihar : विधानसभा निवडणुकीपूर्वीच बिहारमध्ये राडा सुरू झाल्याचं चित्र आहे. यावेळी कुठल्या दोन पक्षांमध्ये राडा झाला नाहीतर तो लालू प्रसाद यादवांच्या कुटुंबामध्ये झाल्याचं दिसून आलं. लालूंचा मोठा मुलगा तेजप्रसाद यादवने त्याचे दुसरे रिलेशनशिप जाहीर केल्यानंतर पत्नी ऐश्वर्या रायने लालूंच्या कुटुंबावर प्रश्नांची सरबत्ती केली आहे. तेजप्रतापचे 12 वर्षांपासून सुरू असलेले विवाहबाह्य संबंध माहिती होते तर माझं आयुष्य का बरबाद केलं असा प्रश्न लालूंची सून ऐश्वर्या रायने केला. आता तेजप्रतापची हकालपट्टी करण्याचं नाटक करणाऱ्या लालूंना त्यावेळी मला मारहाण होत असताना सामाजिक न्याय आठवला नाही का असा प्रश्नही तिने केला. 

माझे आयुष्य का बरबाद केलं? 

ऐश्वर्या राय म्हणाली की, "जर तेजप्रताप यादवच्या 12 वर्षांपासून सुरू असलेल्या रिलेशनशिपची माहिती त्याच्या कुटुंबाला होती तर माझे त्याच्याशी लग्न का लाऊन दिलं? माझं आयुष्य बरबाद का केलं? आता निवडणुका जवळ आल्यामुळेच तेजप्रतापला कुटुंबातून हाकलून लावण्याचं नाटक सुरू आहे. ते सगळे एकच आहेत, कुणीही कुटुंबातून बाहेर गेलं नाही. राबडी देवींनी तेजप्रतापला सांगितलं असेल की, आता निवडणुका आहेत. त्या झाल्यानंतरह सगळं काही ठिक करतो."

लालूंनी उत्तर द्यावं, ऐश्वर्या रायची मागणी

ज्यावेळी मला मारहाण केली जात होती त्यावेळी तुमचा सामाजिक न्याय कुठे होता? असा प्रश्न ऐश्वर्या रायने लालू प्रसाद यादव यांना केला. तेजप्रतापचे आणि अनुष्का यादवचे संबंध 12 वर्षांपासून होते. ते लालू आणि राबडी देवींना माहिती होते. आता निवडणुका आल्यामुळे सगळे नाटक करत आहेत असा आरोप कर माझ्या न्यायाचं काय असा प्रश्न ऐश्वर्याने केला आहे. 

तेज प्रताप यादव आणि ऐश्वर्या रायचे 2018 मध्ये लग्न झाले होते. परंतु काही महिन्यांनंतर पत्नी ऐश्वर्या आणि तेज प्रताप यांच्यातील मतभेद टोकाला गेले आणि वादामुळे त्यांनी वेगळं व्हायचा निर्णय घेतला. या दोघांच्यातील घटस्फोटाचा खटला न्यायालयात सुरू आहे.

 

#WATCH | Patna, Bihar: "... Why was my life ruined? Why was I beaten? Now they have suddenly had a social awakening. They are all together. They have not separated... The elections are near, that is why they have taken such a step and created this drama...," says RJD leader Tej… pic.twitter.com/DC2BXUdJO2

— ANI (@ANI) May 26, 2025

Bihar Election : निवडणुकीपूर्वी लालूंना धक्का

बिहार विधानसभेच्या निवडणुकीला अवघे सहा महिने बाकी आहेत. ही निवडणूक एनडीएसाठी, नितीशकुमारांसाठी आणि राजदच्या लालूप्रसाद यादव यांच्यासाठी अतिमहत्वाची आहे. अशा काळात राजदला तेज प्रताप यादवच्या कृत्यामुळे धक्का बसल्याची चर्चा आहे. लालूंच्या थोरल्या मुलाने, तेजप्रतापने आपल्या विवाहबाह्य संबंधांची थेट सोशल मीडियावर फोटो टाकत कबुली दिली. यावरुन लालू आणि राजदवर चहुबाजुंनी टीका सुरू झाली आहे. त्यामुळे लालूंनी तेजप्रताप यादवची पक्षातून हकालपट्टी केलीच, सोबत कुटुंबातून बेदखलही केलं. 

ही बातमी वाचा: 

• Tej Pratap Yadav : विवाहबाह्य संबंधाची कबुली देणं महागात, पक्षातून आणि कुटुंबातून तेजप्रतापची हकालपट्टी; लालू प्रसाद यादवांचा मोठा निर्णय