Air India Plane Crash In Ahmedabad: अहमदाबाद विमान दुर्घटना: लग्नाच्या 5 महिन्यांनंतर पहिल्यांदाच पतीकडे जात होती खुशबू; मृत्यूनं वाटेतच गाठलं, डॉक्टर पती वाटच पाहत राहिला
Ahmedabad Plane Crash: अहमदाबादमध्ये झालेल्या एअर इंडिया विमान अपघातात मृत्युमुखी पडलेल्यांमध्ये जोधपूरच्या खुशबू राजपुरोहितचाही समावेश होता. ती तिच्या डॉक्टर पतीला भेटण्यासाठी लंडनला जात होती.
Ahmedabad Air India Plane Crash: एअर इंडियाचे प्रवासी विमान लंडनला जात असताना हे विमान गुजरातमधील अहमदाबाद येथे कोसळले. या विमानात क्रू मेंबर्ससह 242 लोक होते, त्यापैकी 12 जण राजस्थानचे होते. त्यापैकीच एक होती खुशबू राजपुरोहित, जोधपूरमधील अरबा येथील रहिवासी असलेल्या खुशबूचं 5 महिन्यांपूर्वी लग्न झालं होतं. लग्नाच्या 5 महिन्यांनंतर पहिल्यांदाच ती आपल्या डॉक्टर पतीकडे जात होती. मात्र वाटेतच तिला मृत्यूनं गाठलं. ही हृदयद्रावक कहाणी ऐकणाऱ्या कोणालाही रडू कोसळलेल असे हे दु:ख या दुर्दैवी निधनाच्या बातमीने समोर आलं आहे
खुशबू राजपुरोहितचे लग्न फक्त 5 महिन्यांपूर्वी झाले होते. तिचा नवरा लंडनमध्ये डॉक्टर आहे. खुशबूचा पासपोर्ट फक्त दोन दिवसांपूर्वीच तयार झाला होता आणि ती तिच्या नवऱ्यासोबत आयुष्य घालवण्यासाठी या विमानाने लंडनला जात होती. मात्र या विमान अपघातात तिचा देखील मृत्यू झाला.
मुलीला निरोप दिल्याचा भावनिक व्हिडिओ समोर
लंडनला जाण्यापूर्वी खुशबूचे कुटुंब तिला निरोप देत होते. याचा एक भावनिक व्हिडिओ देखील समोर आला आहे, ज्यामध्ये ती तिच्या कुटुंबातील सदस्यांना मिठी मारताना खूप रडताना दिसत आहे.लग्नाच्या पाच महिन्यांनंतर, त्यांना निरोप देण्यात येत होता. खुशबूचा हा शेवटचा निरोप असेल हे कोणालाही माहिती नव्हते.
खुशबूचे कुटुंब अहमदाबादला पोहोचले
विमान अपघात आणि खुशबूच्या मृत्यूची बातमी मिळताच तिच्या कुटुंबातील सदस्य अहमदाबादला पोहोचले. खुशबूच्या गावात शोककळा पसरली आहे. या भीषण आणि दुःखद अपघातानंतर संपूर्ण देशात शोककळा पसरली आहे. केंद्र सरकार आणि राज्य सरकारने सर्व सरकारी कार्यक्रम रद्द केले आहेत.
खुशबूच्या सासरीही शोककळा
या अपघातात, जोधपूरमधील खाराबेरा येथील रहिवासी असलेल्या खुशबू राजपुरोहितच्या सासू-सासऱ्यांनाही काळजी वाटत आहे कारण त्यांची सून खुशबू त्या विमानात होती. अपघाताची माहिती मिळताच कुटुंबाला मोठा धक्का बसला.सुरुवातीला जेव्हा हे समजले की अपघात किरकोळ आहे आणि सर्व काही ठीक आहे, तेव्हा खुशबू राजपुरोहित यांचे मेहुणे शक्ती सिंह राजपुरोहित यांनाही आशा होती की त्यांची सून सुखरूप परत येईल. तथापि, जसजसा वेळ निघून गेला आणि परिस्थिती स्पष्ट होत गेली तसतसे खुशबूच्या घरात आणि सासरच्या घरात शोककळा पसरली.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
