सरकारी नोकरीची मोठी संधी, हजारो पदांसाठी भरती प्रक्रिया सुरु, अर्ज करण्यासाठी उरले फक्त काही तास 

Government job  :  जर तुम्ही बँकेत नोकरी मिळवण्यासाठी प्रयत्न करत असाल तर तुमच्यासाठी ही बातमी अत्यंत महत्वाची आहे. स्टेट बँक ऑफ इंडिया (SBI) मध्ये नोकरीसाठी जागा निघाल्या आहेत. SBI ने सर्कल बेस्ड ऑफिसर (CBO) पदांसाठी भरती जाहीर केली आहे. त्यासाठी अर्ज करण्याची  आजची म्हणजे 29  मे 2025 शेवटची तारीख आहे. या सरकारी बँकेत नोकरी करण्याची इच्छा असणाऱ्या उमेदवारांनी त्वरीत अर्ज करावेत.  

अर्ज करण्यासाठी, तुम्हाला SBI च्या अधिकृत वेबसाइट sbi.co.in वर भेट देऊन किंवा थेट ibpsonline.ibps.in/sbicboapr25 वर जाऊन ऑनलाइन फॉर्म भरावा लागेल. ही संधी बँकिंग क्षेत्रात करिअर सुरू करू इच्छिणाऱ्या तरुणांसाठी खास आहे. दरम्यान, स्टेट बँक ऑफ इंडियाने 2 हजार 964 पदांसाठी भरती जाहीर केली आहे. त्यासाठी अर्ज करण्याची आज शेवटची संधी आहे. उमेदवारांनी लवकर अर्ज करावेत असं आवाहन करण्यात आले आहे.

अर्ज करण्यास कोण आहे पात्र?

उमेदवाराने मान्यताप्राप्त विद्यापीठ किंवा संस्थेतून कोणत्याही प्रवाहात पदवी प्राप्त केलेली असावी. जर तुम्ही वैद्यकीय, अभियांत्रिकी किंवा सीएचे शिक्षण घेतले असेल तर तुम्ही देखील पात्र आहात. अर्ज करताना किमान 2 वर्षांचा कामाचा अनुभव असणे आवश्यक आहे. वयोमर्यादेबद्दल बोलायचे झाले तर, 21 ते 30 वर्षे वयोगटातील उमेदवार अर्ज करू शकतात. राखीव प्रवर्गातील उमेदवारांना वयात सूट दिली जाईल, जी सरकारी नियमांनुसार लागू असेल.

अर्ज करण्यासाठी किती शुल्क? 

जनरल, ओबीसी आणि ईडब्ल्यूएस प्रवर्गातील उमेदवारांना 750 रुपये शुल्क भरावे लागेल. तर एससी/एसटी/पीएच प्रवर्गासाठी अर्ज पूर्णपणे मोफत आहे. शुल्क ऑनलाइन पद्धतीने भरता येते. दरम्यान, ज्या उमेदवारांना अर्ज करायचे आहेत, त्यांनी तातडीने अर्ज करणं गरजेचं आहे. कारण अर्ज करण्याची आजची शेवटची तारीख आहे. त्यानंतर उमेदवारांना अर्ज करता येणार नाहीत. 

कसा कराल अर्ज? 

सर्वप्रथम अधिकृत पोर्टल ibpsonline.ibps.in/sbicboapr25/ वर जा.
होमपेजवरील “नवीन नोंदणीसाठी येथे क्लिक करा” वर क्लिक करा आणि तुमची मूलभूत माहिती प्रविष्ट करा.
नंतर तुमचा फोटो आणि स्वाक्षरी अपलोड करा.
आता उर्वरित आवश्यक माहिती भरा आणि एकदा काळजीपूर्वक फॉर्मचे पूर्वावलोकन करा.
अर्ज शुल्क भरा आणि शेवटी फॉर्म सबमिट करा.
शेवटी फॉर्मचा प्रिंट आउट घ्या आणि तो तुमच्याकडे सेव्ह करा.

महत्वाच्या बातम्या:

सरकारी नोकरी मिळवण्याची मोठी संधी, पगार मिळणार 63000, कसा कुठे कराल अर्ज? जाणून घ्या संपूर्ण प्रक्रिया