Raj Thackeray Wrote Letter To Konkan Hearted Girl: 'कोकण हार्टेड गर्ल'च्या वडिलांना राज ठाकरेंचं पत्र, व्यक्त केली दिलगिरी; अंकिताची इन्स्टा पोस्ट चर्चेत

Raj Thackeray Wrote Letter To Konkan Hearted Girl: 'कोकण हार्टेड गर्ल' (Konkan Hearted Girl) म्हणजेच, प्रसिद्ध सोशल मीडिया इन्फ्लुएन्सर (Social Media Influencer) अंकिता प्रभू वालावलकर (Ankita Prabhu Walawalkar) 16 फेब्रुवारी रोजी तिनं संगीतकार कुणाल भगतसोबत (Kunal Bhagat) आपली लग्नगाठ बांधली. कोकणातच अगदी थाटामाटात अंकिताचा शाही विवाहसोहळा पार पडला. अंकिताच्या लग्नसोहळ्यासाठी अनेक सेलिब्रिटी, सोशल मीडिया इन्फ्लुएन्सर आणि बिग बॉसच्या पाचव्या सीझनमध्ये अंकितासोबत घरात असलेली बरी मंडळी उपस्थित होती. अंकितानं आपल्या लग्नाचं आमंत्रण मनसे अध्यक्ष राज ठाकरे (Raj Thackeray) यांनाही दिलं होतं. पण, राज ठाकरे मात्र या सोहळ्यासाठी अनुपस्थित होते. अशातच आता याचसंदर्भातलं एक पत्र अंकितानं आपल्या सोशल मीडिया अकाउंटवर शेअर केलं आहे. अंकिताला आलेलं हे पत्र स्वतः राज ठाकरेंनी लिहिलं आहे. 

अंकिता आणि कुणालनं आपल्या लग्नाचं आमंत्रण मनसे अध्यक्ष राज ठाकरे यांना त्यांच्या निवासस्थानी जाऊन दिलं होतं. पण, राज ठाकरे मात्र अंकिताच्या लग्नाला उपस्थित नव्हते. अशातच आता राज ठाकरेंनी अंकिताच्या वडिलांना पत्र लिहून यासंदर्भात दिलगिरी व्यक्त केली आहे. तसेच, या पत्रातून राज ठाकरे यांनी अंकिताच्या लग्नाला उपस्थित न राहण्यामागचं कारणही सांगितलं आहे.

'कोकण हार्टेड गर्ल' अंकिता वालावलकरनं सोशल मीडियावर एक पोस्ट करत राज ठाकरेंच्या पत्रासंदर्भात माहिती दिली आहे. तसेच, पत्राचा फोटोही शेअर केला आहे.  राज ठाकरेंनी पत्रात लिहिलं आहे की, "आपली कन्या चि. सौ. कां अंकिता हिच्या शुभ विवाहाचे आपण अगत्यपूर्वक पाठविलेलं निमंत्रण मिळालं, त्याबद्दल धन्यवाद. सदर मंगल सोहळ्यास उपस्थित राहण्यास निश्चित आनंद वाटला असता. परंतु पूर्वनियोजित दौऱ्यामुळे उपस्थित राहता येत नसल्यामुळे मी दिलगिरी व्यक्त करतो. आम्हा उभयतांकडून नव दांपत्यास शुभेच्छा. तसेच पुढील वैवाहिक आयुष्य सुखः समृद्धी व भरभराटीचे जावो ही आई जगदंबे चरणी प्रार्थना. आपला नम्र, राज ठाकरे." 

अंकिता वालावलकरची लगीनघाई सुरू होती, त्यावेळी तिनं आपल्या लग्नाचं आमंत्रण सर्वात आधी गावदेवीला दिलं आणि त्यानंतर ती राज ठाकरेंना लग्नाचं आमंत्रण देण्यासाठी पोहोचली होती. राज ठाकरे यांना सहकुटुंब आपल्या लग्नाचं आमंत्रण देण्यासाठी अंकिता आणि कुणाल शीवतीर्थावर पोहोचले होते. अंकितानं राज ठाकरेंना लग्नाची पत्रिका देतानाचा फोटोही सोशल मीडियावर शेअर केला होता. पण, राज ठाकरे काही कारणास्तव लग्नसोहळ्याला उपस्थित राहू शकले नाहीत. अशातच आता राज ठाकरे यांनी अंकिताच्या वडिलांना यासंदर्भात पत्र लिहून दिलगिरी व्यक्त केली आहे. राज ठाकरे यांनी लिहिलेल्या पत्राची एक इन्स्टाग्राम स्टोरी अंकितानं शेअर केली आहे. 

महत्त्वाच्या इतर बातम्या :

गोविंदा अन् सुनीता अहुजा घेणार 'ग्रे डिवोर्स'? आयुष्यातील बराच काळ एकत्र घालवल्यानंतर वेगळं होण्याचा ट्रेंड का वाढतोय?