मला मुस्लिमांबद्दल खूप प्रेम, पाकिस्तानातून रोज यायचे 50 लेटर; अभिनेत्रीपासून साध्वी बनलेल्या ममता कुलकर्णीचं वक्तव्य

Actress and Sadhvi Mamta Kulkarni :  बॉलिवूड अभिनेत्री ममता कुलकर्णी (Mamta Kulkarni) काही महिन्यांपूर्वी साध्वी बनली आहे. ममता तिच्या वक्तव्यांमुळे सोशल मीडियावर नेहमी चर्चेत असते. नुकतेच तिने पाकिस्तान (Pakistan) आणि मुस्लिमांबाबत मोठं वक्तव्य केलं आहे. ममताने (Mamta Kulkarni) सांगितलं की, मला पाकिस्तानातून रोज 50 लेटर येतात. 

‘मुसलमानांबद्दल माझ्या मनात खूप प्रेम आहे’

अलीकडेच ममता कुलकर्णी (Mamta Kulkarni) दिल्लीमध्ये आलेली पाहायला मिळाली. तेव्हा ममता कुलकर्णीने आयएएनएस या वृत्तसंस्थेशी बोलताना सांगितलं की, “मुसलमानांबद्दल माझ्या मनात खूप प्रेम आहे. त्यांनीसुद्धा मला खूप प्रेम दिलं आहे. विशेषतः दुबईमध्ये. तिथे माझी अध्यात्मिक साधना 25 वर्ष चालली होती. त्या काळात मला खूप शांतता मिळाली आणि प्रेम मिळालं.”

पाकिस्तानमधून दररोज यायची पत्रं

ममता कुलकर्णी पुढे म्हणाल्या की, “जेव्हा मी बॉलिवूडमध्ये सुपरस्टार होते, तेव्हा मला पाकिस्तानमधून दररोज 50 पत्रं यायची. त्यामुळेच माझ्या मनात मुसलमानांबद्दल खूप प्रेम आहे. पण दहशतवाद्यांबद्दल मात्र माझ्या मनात अजिबात प्रेम नाही.” सध्या भारत-पाकिस्तानमध्ये सुरू असलेल्या तणावाच्या पार्श्वभूमीवर ममतांचं हे विधान चर्चेचा विषय ठरत आहे.

भारत-पाकिस्तानमध्ये नेमकं तणाव का निर्माण झाला?

गेल्या काही दिवसांपासून भारत आणि पाकिस्तान यांच्यात तणाव सुरू आहे. हे तणाव काश्मीरमधील पहलगाम येथे काही दहशतवाद्यांनी निरपराध पर्यटकांवर हल्ला केल्यानंतर सुरू झाले. त्यानंतर भारताने ऑपरेशन सिंदूर अंतर्गत प्रत्युत्तर दिलं आणि पाकिस्तानातील नऊ दहशतवादी तळं पूर्णपणे उद्ध्वस्त केले. या कारवाईनंतर पाकिस्तानने भारतावर काही भ्याड हल्लेही केले.

ममता कुलकर्णी कधी बनली साध्वी?

ममता कुलकर्णी (Mamta Kulkarni)हिच्याविषयी सांगायचं झालं, तर त्यांनी हिंदी चित्रपटसृष्टीत अनेक सुपरहिट चित्रपटांमध्ये काम केलं आहे. मात्र, अनेक वर्ष त्या सिनेसृष्टीपासून दूर होत्या. आता त्या साध्वी बनल्या आहेत. 24 जानेवारी 2025 रोजी प्रयागराज महाकुंभमध्ये किन्नर आखाड्यातून संन्यास घेऊन ममता कुलकर्णीने (Mamta Kulkarni) साध्वी होण्याचा निर्णय घेतला.

इतर महत्त्वाच्या बातम्या 

Actor Who Played 45 Roles In One Movie: ना कमल हसन, ना रजनीकांत, एकाच फिल्ममध्ये 'या' अ‍ॅक्टरनं साकारल्यात 45 भूमिका, रचला वर्ल्ड रेकॉर्ड