Actor Tiger Shroff Receives Death Threat: 'टायगर श्रॉफला मारायला हत्यार अन् 2 लाख रुपये दिलेत...'; पोलिसांनी वेगाने चक्रं फिरवली अन् त्या व्यक्तीच्या मुसक्या आवळल्या
Actor Tiger Shroff Receives Death Threat: टायगर श्रॉफला मारायला 2 लाख रुपये आणि हत्यार देण्यात आल्याची खोटी माहिती देणाऱ्याला मुंबई पोलिसांनी अटक केलीय.
Actor Tiger Shroff Receives Death Threat: अभिनेता (Bollywood Actor) टायगर श्रॉफला (Tiger Shroff) जिवे मारण्यासाठी 2 लाख रुपये देण्यात आल्याची खोटी माहिती पसरवणाऱ्याच्या मुसक्या आवळण्यात मुंबई पोलिसांना (Mumbai Police) यश आलं आहे. खोटी माहिती पसरवणाऱ्या आरोपी विरोधात खार पोलिसांनी (Khar Police) गुन्हा दाखल केला आहे. मनीषकुमार सुजींदर सिंह असं आरोपीचं नाव असून तो 35 वर्षांचा आहे.
मूळचा पंजाबचा (Punjab) रहिवाशी असलेल्या मनीषकुमार सुजींदर सिंहनं सोमवारी मुंबई पोलिसांच्या नियंत्रण कक्षाला फोन करुन ट्रिग या सुरक्षा कंपनीचे काही लोकं अभिनेता टायगर श्रॉफला जिवे मारणार असल्याचं सांगितलं. इतकचं नाही तर, अभिनेता टायगर श्रॉफला मारण्यासाठी हत्यार आणि दोन लाखांची सुपारीही देण्यात आल्याचं आरोपी मनिषकुमारनं सांगितलं. त्यानंतर एकच खळबळ माजली.
अभिनेता टायगर श्रॉफच्या नावानं देण्यात आलेल्या धमकीच्या फोननंतर सुरक्षायंत्रणा कामाला लागली. मात्र, पोलिसांनी वस्तुस्थिती तपासल्यानंतर मनिषकुमारनं खोटी माहिती नियंत्रण कक्षला दिल्याचं तपासात समोर आलं. या प्रकरणी खार पोलिसांनी मनिषकुमार सुजींदर सिंह विरोधात गुन्हा दाखल केला असून याप्रकरणी पोलीस अधिक तपास करत आहेत. दरम्यान, यापूर्वी अभिनेता सलमान खानच्या नावानं धमकी देणारे फोन नियंत्रण कक्षाला आले होते.
'तुझ्या घरात घुसून तुला AK 47नं गोळ्या घालेन...', टायगर, सलमान व्यतिरिक्त आणखी एका चाहत्याला धमकी
टेलिव्हिजन स्टार अभिनव शुक्लानं आपलं सोशल मीडिया हँडल इंस्टाग्रामवर एक पोस्ट शेअर केली आहे. ज्यामध्ये अंकुश गुप्ता नावाच्या युजरनं त्याला पाठवलेला मेसेज शेअर केला आहे. युजरनं अभिनवला केलेल्या मेसेजमध्ये दावा केला आहे की, तो लॉरेन्स बिश्नोई टोळीचा सदस्य आहे. या मेसेजमध्ये लिहिलं होतं की, "मी लॉरेन्स बिश्नोई टोळीचा सदस्य आहे. मला तुझ्या घराचा पत्ता माहीत आहे, येऊ का तुला गोळ्या घालायला? ज्याप्रमाणे मी सलमान खानच्या घरी येऊन तुम्हाला गोळ्या घातल्या होत्या, त्याचप्रमाणे मी तुझ्या घरी येऊन तुला एके 47 नं गोळ्या घालेन..."
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
