जुना वाद उफाळला, चाकू कोयते घेऊन एकमेकांच्या अंगावर धावून गेले, 3 जण जागेवरच संपले, 4 गंभीर, दहीसरमध्ये थरार
Mumbai Crime: नारळ स्टॉलवर उभे असताना झालेल्या या घटनेनंतर परिसरात मोठी खळबळ उडाली होती. हल्ले करणारे आरोपी जखमी असल्यामुळे पोलिसांकडून आरोपीला अटक करणे बाकी आहे.
Mumbai Crime: मुंबईच्या दहिसर पश्चिम गणपत पाटील नगर परिसरात रविवारी संध्याकाळी जुन्या वादातून झालेल्या हल्ल्यात तिघांचा जागीच मृत्यू झाला असून चार जण गंभीर जखमी झाले आहेत. दोन परिवारांमधील जूना वाद टोकाला गेला. जुन्या वादातून झालेल्या तुफान हाणामारीत शेख आणि गुप्ता कुटुंबियांनी एकमेकांवर कोयता, चाकूने हल्ला चढवला. यात तीनजण जागीच संपले असून चार जण गंभीर जखमी झाले आहेत. घटनेनंतर परिसरात मोठी खळबळ उडाली होती. (Murder Case)
ही घटना सोमवारी संध्याकाळी साडेचारच्या सुमारास घडली. गणपत पाटील नगरच्या गल्ली क्रमांक 14 समोर गुप्ता कुटुंबाचा नारळ विक्रीचा स्टॉल आहे. या स्टॉलवर उभा असलेल्या गुप्ता कुटुंबावर शेख कुटुंबीयांनी अचानक चाकू आणि कोयत्याने हल्ला केला. या हाणामारीत गुप्ता कुटुंबातील राम नवल गुप्ता (वडील) आणि अरविंद गुप्ता यांचा जागीच मृत्यू झाला, तर अमर गुप्ता आणि अमित गुप्ता हे गंभीर जखमी झाले आहेत. नारळ स्टॉलवर उभे असताना झालेल्या या घटनेनंतर परिसरात मोठी खळबळ उडाली होती.
नक्की घडले काय?
मुंबईतील दहीसरमध्ये गणपत पाटील नगरच्या गल्ली क्रमांक 14 समोर गुप्ता कुटुंबाचा नारळ विक्रीचा स्टॉल आहे. काल संध्याकाळी 4:30 च्या सुमारास चाकू आणि कोयता घेऊन शेख आणि गुप्ता कुटुंब एकमेकांवर हल्ला केला. जुन्या वादातून झालेल्या या हल्ल्यात यात तीन जणांचा जागेवरच मृत्यू झाली तर चार जण गंभीर जखमी झाले. जखमीवर जवळच्या भगवती रुग्णालयमध्ये उपचार सुरू आहे. M.H.B पोलिसांनी रात्री उशिरा दोन्ही कुटुंबीयांचा विरोधात क्रॉस हत्येचा गुन्हा दाखल केले आहे. हल्ले करणारे आरोपी जखमी असल्यामुळे पोलिसांकडून आरोपीला अटक करणे बाकी आहे.
जुन्या वादातून चाकू अन् कोयत्याने हल्ला
शेख आणि गुप्ता या दोन्ही कुटुंबीयांचा 2022 मध्ये वाद झाला होता यानंतर दोघांविरोधात एम एच बी पोलीस स्टेशनमध्ये गुन्हा दाखल झाला होता.गणपत पाटील नगर गल्ली नंबर 14 च्या समोर गुप्ता याच्या नारळ विक्री स्टॉलवर काल संध्याकाळी उभा असताना शेख कुटुंबीयांकडून चाकू आणि कोयताने हल्ला करण्यात आला.
पोलीसांचा तपास सुरु
या मारामारी मध्ये राम नवल गुप्ता(वडील) व अरविंद गुप्ता हे मृत झाले असून अमर गुप्ता व अमित गुप्ता जखमी आहेत. तसेच दुसराबाजूला हमीद शेख (वडील) हा सुद्धा मृत झाला असून त्याचा मुलगा अरमान शेख व हसन शेख जखमी आहे.याप्रकरणी एम एच बी पोलिसांनी परिसरात असलेली सीसीटीव्ही आणि इतर पुरावा गोळा करून रात्री उशिरा हत्येचा गुन्हा दाखल करत पुढील तपास करत आहेत.
हेही वाचा:
महत्त्वाच्या बातम्या
ट्रेंडिंग न्यूज
