Motilal Oswal Top Picks: 1,2,3 नव्हे तब्बल 8 स्टॉकमधून कमाईची संधी, मोतीलाल ओसवालनं या कंपन्यांच्या स्टॉकला दिलं Buy रेटिंग  

Motilal Oswal Top Picks: शेअर बाजारात गुंतवणुकीचं तुम्ही नियोजन करत असाल तर तुमच्यासाठी महत्त्वाची अपडेट आहे. ब्रोकरेज हाऊस मोतीलाल ओसवालनं त्यांच्या ताज्या स्टॉक रिपोर्टमध्ये 8 शेअरची यादी दिली आहे. ज्यामध्ये 15 ते 24 टक्के नफा मिळण्याची शक्यता आहे. मोतीलाल ओसवालनं ज्या 8 स्टॉकला Buy रेटिंग दिलं आहे त्याबद्दल जाणून घेऊयात. 

1. Hexaware Technologies – टारगेट 950 रुपये, संभाव्य परतावा, 19 टक्के

हेक्सावेयर टेक्नोलॉजीजला मोतीलाल ओसवाल यांच्याकडून ‘Buy’ रेटिंग मिळालं आहे. रिपोर्टनुसार कंपनीचं विकासाचं ट्रॅक रेकॉर्ड मजबूत आहे. वेगवेगळ्या क्षेत्रांवर त्यांचं लक्ष आहे. पुढील दोन वर्षात स्टॉकमध्ये 20.8 टक्के EPS विकासाचा अंदाज आहे. हा स्टॉक सध्या 799 रुपयांवर ट्रेड करत आहे.  

2. JSW Steel – टारगेट 1,190 रुपये, संभाव्य परतावा, 19 टक्के

स्टील उद्योगातील प्रसिद्ध कंपनी JSW Steel ला चांगलं प्रॉफिट आणि कॅश फ्लोची आशा आहे, त्यामुळं या स्टॉकला बाय रेटिंग देण्यात आलं आहे. कंपनी 2026-27 या आर्थिक वर्षात 60000 कोटी रुपयांची उभारणी करण्याची शक्यता आहे. 

3. Grasim Industries – टारगेट 3,170 रुपये, संभाव्य परतावा, 19 टक्के

ग्रासिम इंडस्ट्रीज़ पेंट्स आणि  B2B ई-कॉमर्स मध्ये आक्रमकपणे गुंतवणूक करत आहेत. त्यामुळं त्यांना आर्थिक वर्ष  2026-27 पर्यंत 8000 कोटी रुपयांच्या महसुलाची आशा आहे. मार्जिन प्रेशरमुळं EPS अंदाज कमी करण्यात आलं आहे. 

4. Ashok Leyland – टारगेट 275 रुपये, संभाव्य परतावा, 15 टक्के

या कंपनीनं आता विविध क्षेत्रामंध्ये पाऊल टाकलं आहे. त्यामुळं त्यांचं उत्पन्न स्थिर झालं आहे. आर्थिक वर्ष 2025-26 मध्ये मागणी वाढण्याची शक्यता आहे.  

5. Container Corporation (CONCOR) – टारगेट 850 रुपये, संभाव्य परतावा, 18 टक्के

रेल फ्रेट आणि टर्मिनल इंफ्रास्ट्रक्चर या क्षेत्रात कंपनीकडून गुंतवणूक केली जातेय. काही प्रकल्पांना वेळ लागला आहे. दीर्घकाली गुंतवणुकीसाठी मोतीलाल ओसवाल सकारात्मक आहे. 

6. Metro Brands – टारगेट 1,400 रुपये,संभाव्य परतावा, 16 टक्के

MBL म्हणजेच मेट्रो ब्रँडसनं त्यांच्या स्टोअर नेटवर्कची संख्या वेगानं वाढवली आहे. FILA आणि Foot Locker या सारख्या ब्रँडसवर लक्ष केंद्रीत केलं आहे. आर्थिक वर्ष 2025-27 मधून 20 टक्के PAT विकासाची अपेक्षा आहे.  

7. MTAR Technologies – टारगेट 1,950 रुपये, संभाव्य परतावा, 17 टक्के

MTAR टेक्नोलॉजीजचा समावेश उच्च विकास असणाऱ्या कंपन्यांमध्ये होतो. रिपोर्टनुसार कंपनी आर्थिक वर्ष  2025-27 दरम्यान 30 टक्के वाढ पाहायला मिळू शकते. नफ्यामधील वाढ देखील त्याच वेगानं होण्याची अपेक्षा आहे. 

8. DreamFolks – टारगेट 350 रुपये, संभाव्य परतावा, 24 टक्के

DreamFolks एअरपोर्ट लाउंज सर्विसमध्ये भारतातील सर्वात मोठी कंपनी आहे. या क्षेत्रात वेगानं वाढ होत आहे. कंपनी आता लाऊंज शिवाय दुसऱ्या क्षेत्रात विस्तार करत आहे. 

गुंतवणूकदारांना सल्ला कोणता?

या कंपन्यांच्या स्टॉकला मोतीलाल ओसवालनं "Buy" रेटिंग दिलं आहे. म्हणजे या स्टॉकमध्ये येत्या काळात तेजी पाहायला मिळू शकते. मात्र, गुंतवणूक करण्यापूर्वी वित्तीय सल्लागारांचा सल्ला घेणं महत्त्वाचं आहे.जर, तुमच्याकडे बचत खात्यात पैसे शिल्लक ठेवण्यापेक्षा गुंतवणूक करायची असेल तर  विश्वसनीय ब्रोकरेज हाऊसच्या रिसर्च रिपोर्टवर लक्ष ठेवलं पाहिजे. तुम्ही जर नवे गुंतवणूकदार असाल  किंवा अनुभवी ट्रेडर्स तर हे स्टॉक तुम्हाला योग्य निर्णय घेण्यासाठी मदत करु शकतात. 

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)